ගියාට කමක් නෑ, අපිට නං ගහන්න එපා!!!

අාරක්ෂක හමුදාවක කෙනෙක් ට කාගෙන් හරි අනවශ්‍ය දේකට ගුටි කන්න වුණොත්, වාහනයක් පුරවගෙන ගිහිං අාපහු ගහලා එන එක ශුවර්!!!

එතකොට, හමුදා හමුදා අතර ප්‍රශ්ණෙකදි???

දවසක්, කොළඹ කිට්‍ටුව (පැයක විතර දුර) පැත්තක බාර් එකක බිබී හිටපු කොල්ලෙකුට තව එකෙක් ශෝ එක දාන්න ඇවිල්ලා. අර කොල්ලා ඩෝන්ට් කෙයාර්.

ඒ පාර අර ශෝ කාරයා මුගෙ ඇඟට ඇවිල්ලා,

මල්ලි මේ!! ඇයි තමුෂෙ ලොක්කු ෂීන්ද ආ?? ඇයි අපි කියන එව්වා අහන්න බැරි උඹ අපිට වඩා චණ්ඩිද ඩෝ?? දැනගනිං මම ***වේ පොලිසීයේ හරී!!!

ඉතිං මට මොකෝ??

ආහ්!! තමුසෙ එහෙමයි නේහ්, හි‍ටු තොට!!! කැ***

අපිට ලොකු සීන් දාලා එහෙම ලේසියෙං බේරෙන්න බෑ හරී??? !!!!!

ලොකු සීන් දාපු එකා ම අර අහිංසක මූඩ් එකෙන් හිටපු එකාට බණිනවා ලොකු සීන් දාන්න එපා කියලා.

අර කොල්ලත් ඉතිං, කාපු පළවෙනි එක විතරක් අරගෙන දෙවනි එකෙන් බේරිලා මාරු.

ටික වෙලාවකින්, ගුවන් හමුදාවෙ ජීප් දෙකක් බාර් එක ඉස්සරහා. දෙකම පිරෙන්න කොල්ලො (ඒකත් හොඳ හයේ හතරෙ බුවාලා).

ලීඩ් කලේ එසේ මෙසේ කොල්ලෙක් නෙවෙයි, නිලධාරියෙක් (උස 6' 5" ට කිට්‍ටුයි, එසේ මෙසේ එකෙකුට හැප්පෙන්න පුළුවං එකෙක් නෙවෙයි, ඒ මදිවට කළු පටි කාරයෙක්)

එක ජීප් එකක් ස්ටෑන්ඩ්බයි, අනිකේ එවුං ටික බැස්සා. 

චණ්ඩියාට දෙක තුනක් වදිනකොට චූ ගියා කියලා එහෙමත් ලාවට ආරංචියි. අපි නං දන්නෑ ඔව්වා. හිකිස්!!! (පොලීසියෙ ලු නේ)

ඒ දීලා ආපහු යනකොට, අරූ අර කොල්ලගෙන් සමාව අරං බොන්න අරං දීලා. කොල්ලයි තව එකෙකුයි ඉඳලා අනිත් එවුං ගිහිං. මගක් යනකොට ආයෙත් කොල්ලගෙං කෝල් එකක් ලොකට. අර පණ්ඩිත පොලිස් කාරයා කොල්ලව තියාගෙන තියෙන්නෙ, උගෙ එවුංව ගෙන්නල ගහන්න. උං එන ටිකට අරුං ආපහු එතන. 

ඒ පාර ජීප් දෙකම බැස්සා, අරූට කලින්ටත් වැඩියෙන් ගහලා (මාස කීපයක් රෝහල් ගත වෙලා ඉන්න වුනාලු) උට සපෝට් එකට ආපු උන්ටත් අම්බානක නෙලලා, උන්ට අදාළ පොලිස් ස්ථානයත් ගොඩනැගිලි සහ ලිපිගොණු ඉතුරු වෙන්න අනිත් හැම දෙයක්ම කුඩු පට්ටං කරලා, එතන ඒවෙලාවෙ රජකාරි හිටපු උන්ටත් ගහලා. 

අන්තෝ ජටා බහි ජටා හුටා කිව්වලු. අන්තිමට ඒ පත්තෙ ගුවන්-පොලිස් මාර කේස්, දැක්ක තැන ගේමට. ඒත් කන්නෙම පොලිසිය. කාගෙ හරි අතක කුරුල්ලෙක් දැක්කත් වෙවුලන තරමෙ එවෙඋන් හිටියා.

ඔන්න ඉතිං ඔය සිද්ධියෙන් මාස් කිහිපයටක පස්සෙ, අහල පහල කොල්ලෙක්, ඒ පොලිස් ස්ථානයට යනවා, පොලිස් වාර්ථාවක් ගන්න. ඒකට ඕනෙ කරන විස්තර දෙනකොට ඒ පොලිස් කොස්තාපල්(ද සාජන් ද මංදා) ඇහුවා, "මල්ලි මොන රස්සාවකටද?? හමුදාවට යන්නද පොලිස් රිපෝට් ගන්නේ??" කියලා.

ඒ පාර අර පොඩි එකා (එහෙමට පොඩි නෑලු, එහෙමයි කිව්වෙ) කිව්වලු "ඔව්, ගුවන් හමුදාවට" කියලා.

ඒ පාර අර යකා ලිය ලියා හිටපු එකත් නවත්තලා මෝඩ හිනාවක් දාලා අහිංසක ආයාචනත්මක විදිහට ඔලුවත් නමලා කිව්වලු "අනේ බුදු මහත්තයෝ, එයා ෆෝස් ගියාට කමක් නෑ, අපිට නං ආයෙ ගහන්න එපා, ඔයාලගෙ කට්ටියට අපිට ගහන්න දෙන්නත් එපා, ප්ලීස්, අනේ ලොකු උදව්වක් ඈ!!"" කියලා.