Delete කලා ට Delete වුණා කියලා Sure ද?

වින්ඩෝස් මෙහෙයුම් පද්ධතිය පාවිච්චි කරන අය හොඳටම දන්නවා (නැත්නම් අඩු ගානෙ දැං වත් දැනගන්න ඕනි), අපි වින්ඩෝස් වල ඩිලීට් කරන දේවල් Recycle Bin එකට යනවා මිසක් ඇත්තටම මැකෙන්නෙ නෑ කියලා! ඒ නිසා Shift  යතුර ඔබාගෙන Delete බට්න් එකෙන් Delete කරන ඒවා Recycle Bin එකට යන්නෙ නෑ, වින්ඩෝස් වලින් ම මැකිලා යනවා! 

ඒත්......................!!!!

ඒත් ඒවා ඇත්තටම, ඒවා තිබුණු තැනින් මැකෙනවා ද? ඒවා තිබුණු Pen Drive එකෙන්, Hard Disk එකෙන්, Memory Stick එකෙන්  මැකිලා යනවා ද??

Apple වලින්, Android වලින් අපි ඩිලීට් කරන දේවල් සදහටම මැකෙනවා ද? 

කොහෙත් ම නෑ! ඕනෑම මතකයක ඒ වගේ අමතක කල මතකයන් වල ඡායාව යටපත් වෙලා තියෙනවා!! Hard Disk, Pen Drive වගේ මතකයන්ටත් ඒ දේ එහෙමමයි! සුදුසු බලපෑමක් කලොත් ඒ මතකයන්ගෙන් බොහොමයක් නැවත මතක් කරගන්න පුළුවන්! හොඳ Recovery Software එකක් පාවිච්චි කලොත්, ඒ Delete කරපු දේවල් බොහොමයක් නැවත ගන්න පුළුවන්!

හොඳයි, අපි හිතමු, අපි මොකක් හරි අතිශය පෞද්ගලික ලිපිගොනුවක්/ පින්තූර/ වීඩියෝ හෝ ඕනෑම දෙයක්, Delete කරලා දැම්මා කියලා!

ඒත්, වෙන කවුරු හරි මොනම විදිහකින් හරි ඔයාගෙ ලැප්ටොප් එක/ PC එක/ Pen Drive එක, පිටස්තරයෙකුට ලැබුණොත්.................

Repair කරන්න හරි කාටවත් දෙන්න වුණොත්..............

නිකමට හරි ඒ කෙනා Recoveryයක් දැම්මොත් අර මකපු මතකයන් එලියට එන්න බැරිද????
ඒ නිසා කෝකටත් කියලා අපි පුරුදු වෙමු පරිස්සම් වෙන්න. නේද??

හොඳයි! අපි බලමු කොහොමද මේ මැකුණු මතකයන් නැත්තටම නැති වෙන්න මකලා දාන්නෙ කියලා! (අර සමියා කියනවා වගේ “මැකුවොත් හිරේ” යන්න වෙයි ද දන්නෑ. ඒ ගැනත් සමියාගෙන් ම අහගන්න!)

හරි, මේ කියන සැඟවුණු මතකය, ඒ උඩින් වෙන මොනවා හරි ලියනකල් මැකෙන්නෙ නෑ. අදාල ඉඩ 100%ක් ම පිරුණොත් මිසක් ඒක නිකං නං වෙයි කියලා හිතන්න අමාරුයි! (Hard Disks වල තියෙනවා කීප වරක් මැකුවත් මතු වෙන Ghost-Tracks කේස් එකකුත්. ඒ ගැන වැඩි විස්තර ඕනි නං අහන්න. කියලා දෙන්නම්)

එහෙම නැත්නම්, මකන දේවල් ඒ සැඟවුණු මතකයටත් නොගිහින් සම්පුර්ණයන්ම මැකිලා යන විදිහට මකන්න ඕනි!

දැං මේ කියන විදිහට “උඩින් ලියන්න” (Overwrite කරන්න)ත්, මකන එක ඒ සැඟවුණු මතකයට නොයන්නම මකන්නත් එක එක ටූල්ස් තියෙනවා! 

Revo Uninstaller Pro වල තියෙනවා “Unrecoverable Delete” කියලා Tool එකක්! ඒකෙන් පුළුවන්, කාටවත් නොයා යුතු රහසිගත දේවල් සදහටම මකලා දාන්න! 

ඒකෙම තියෙන “Evidence Remover” ටූල් එකෙන් පුළුවන්, කලින් මකපු දේවල් නැවත හොයන්න බැරි වෙන්න සුද්ධ කරලා දාන්න.

(හොයාගෙන ක්‍රැක් කරගන්න! ට්‍රයල් එකෙන් බැරි වෙයි!  ක්‍රැක් එක ඕනි නම් ඉල්ලන්න. මං ලඟ තියෙනවා!)
තව එක එක ටූල්ස් තියෙනවා “File Shredder” වගේ දේවල්, ඒත් මං ඒවා ටෙස්ට් කරලා නැති නිසා මට ඒවා නිර්දේෂ කරන්න බෑ! ඕනි නම් කරලා බලලා පුළුවන් නං මටත් කියන්න!

Revo Uninstaller Pro හොයාගන්න බැරි නම්, සරලව අපේ “ජනේල හත, අට, අටයි තිතයි එක සහ දහය” මෙහෙයුම් පද්ධති වල මේ වැඩේ කරගන්න සහය වෙන උපකරණයක් තියෙනවා! කලින් මකපු දේවල් සුද්ධ කරන්න මෙයාට පුළුවන්!

ඒක කරන්නෙ මෙහෙමයි,

1.         මුලින් ම, අදාල ෆයිල්/ ෆොටෝ/ වීඩියෝ/ මොනවා වුණත්, නිකම්ම ඩිලීට් නොකර Shift + Delete යතුරු දෙකම එක වර එබීමෙන් මකන්න! නැත්නම් නිකං ම ඩිලීට් කරලා Empty Recycle Bin කරන්න!

2.         ඊලඟට Command Prompt එක Administrator විදිහට විවෘත කරගන්න!

3.         ඊට පස්සෙ,  ඒකේ  cipher  /w:X  ටයිප් කරලා Enter කරන්න. මෙතනදි X කිව්වෙ, අර මකපු දේවල් තිබුණ තැන. ඩ්‍රයිව් ලෙටර් එක විතරක් දුන්නම ඇති!

4.         දැං ඉතිං ඉවසීමෙන් බලන් ඉන්නයි තියෙන්නෙ! ඩ්‍රයිව් එකේ හිස් ඉඩ වැඩි නම් ටිකක් වෙලා යනවා! 

දැං වැඩේ හරි! ඒ ඩ්‍රයිව් එකේ තිබිලා මකපු කිසිම දෙයක් ආයෙ Recovery Software වලින් හොයන්න වෙන්නෙ නෑ! ඒ කියන්නෙ ඉතිං කොහොමත් හරියට හරි! සම්පූර්ණයෙන් ම ආරක්ෂිතයි!

Android වලට මං පාවිච්චි කරන්නෙ මේ Andro Shredder එක. ඒකෙනු, unrecoverable delete කරන්න Shred එකෙනුත්, මකපු දේවල් හොයන්න බැරි වෙන්නම අතුගාලා දාන්න (evidence removing) Wipe එකෙනුත් පුළුවං. තව ගොඩක් apps තියෙනවා! 

Apple App store එකෙත් ඇති හොඳ ටූල්ස්! Apple Products පාවිච්චි කරන අය හොයලා බලන්න!