අක්කේ

පිරේ ගෙ අම්මට දැං ටික කාලෙක ඉඳලා ටිකක් අසනීපයි. නිවාඩු කාලෙ පිරේ අම්මට බෙහෙත් අරං දීලා ආවෙ. ඒ වගේම ඉතිං, පුළුවං වෙලාවට ගෙදර ගිහිල්ලා දුක සැප බලන්නත් අමතක කරන්නේ නෑ.

ඔන්න අදත් උදේ පාන්දර [හරි පාන්දර. නැගිටිනකොට 8.00ත් පහු වෙලා] ගෙදර යන්න පිටත් වුණා. මග දිගට දකින දකින දේවල් උස්සගෙන ගෙදර යනකොට දවල්ට කන්නත් වෙලාව මං හිතන්නේ.

ඔක්කොමත් හරි, ගෙට ගොඩවෙනකොටම අම්මා ඉන්නවා සතුටින් හිනා වෙවී. මං බැලුවෙ ලෙඩ දුක් ඉවර වෙලා හොඳට සනීප වෙලා වත් ද කියලා. නෑ නෑ. අමාරු පාට පේනවා. ඒත් හිත සතුටින්. මොකක් නමුත් හොඳ දෙයක් වෙලා තියෙනවා.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

පිරේ කියන්නෙ සීරියස් ටෝක් දුන්නට පොඩි එකෙක් වගේ හැසිරෙන එකෙක්. ලඟින් ආශ්‍රය කරන එවුන් නං දන්නවා. ඒත් ඉතිං දුක කියන්නේ, දැං කොල්ලට පොඩ්ඩක් හැදෙන්න වෙලා. යුතුකම් වගකීම් වැඩි වෙලා. ඒනිසා අමාරුවෙන් හරි වෙනස් වෙන්න වෙනවා. මොනව කරන්නද ඉතිං ඔහොම තමයි ජීවිතේ!!!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

පිරේ ගෙ අක්කා ලඟදි බැන්දා. [ඒ නිසා පිරේ තමයි දැං ඉතුරු උන්ගෙන් "පවුලේ වැඩිමලා"] දැං ඔන්න පිරේ ගෙ අක්කා, පිරේව මාමෙක් කරන්නලු යන්නේ. ඒ කියන්නේ ඉතිං පිරේ තව දුරටත් පොඩි එකෙක් නෙවෙයි ඈ!! හම්මේ ඉතිං !!!! අක්කට සුබ පතන්න ඒ වෙලාවෙම කෝල් කලා. පිරේ වගේම අපතයෙක් ගේන්න කියලා අක්කගෙං ඉල්ලුවේ!!!!!

බලමුකො, අපතයෙක් වෙයිද අපතියක් වෙයි ද දන්නෑ, කොහොම වුණත් ලොකු මාමා ඉතිං 'පිරේ'නේ!!!

මුළු හදවතින් ම සුබ පැතුම් අක්කේ!!! 

වෙනත් අක්කෙක් නිසා කලිං ඉඳලම මාමෙක් වෙලා හිටියත් [ඌ මට මාමා කියන්නේ නෑ, අයියා ලු!! සෙද්ද!!], මගේම අක්කගෙ පොඩි එකා මට මාමා කියලා කතා කරනකල් ආසාවෙන් බලන් ඉන්නේ. 

පොඩි එකා හුරතලේට දඟ වැඩ කරනකොට ඌට එකතු වෙලා අක්කව කේන්ති ගස්සන්න ඇඟිලි ගනින ගමන් ආසාවට කෙ‍ටුවේ ඕං!! 

නියම දඟමල්ලක මාමෙක් වෙන්න  කියලා ඔයාලත් පිරේට සුබපතනවා නේද???