Thursday, November 24, 2016

දුටු නුදුටු රූ


අහම්බයකින් නෙත ගැටුණු                            රුව
සිහිල සැනැහුම මවයි                            නොඅඩුව
එහෙත් උපමා නොහෙයි ඒ                           රුව
පුන් සඳට, ලප ගැටිති එහි                              වුව



සඳ දුරය මම පොලෝ තලැ                           හිමි
සඳෙකි අන් හිමි වෙනැකෙකුගෙ                    දුමි
පුර පස ද අව පස කලා                             සොමි
රුවද එලියද පමණි මට                                හිමි


මිහිරි සුරතල් හඬැ ලදරු                               වන්
සැරුම් ඉඟි බිඟි වගෙයි                             දරුවන්
කෙරෙයි සිත්කළු දුටු වු                            දුටුවන්
වන් දෙවන් මව් නොවී දරු                            වන්


෴පිරේ෴




ප.ලි.
කලකට පස්සේ වෙලකට බැස්සේ කියලා ඔන්න ආයෙමත් ආවා! පුංචි ඉල්ලීමක් ඉටුකරන්නත් එක්ක ආපු එකේ, වැඩ වැඩි වෙලා ඉන්න අතරේ අතරේ ආතතිය මකාගන්නත් එක්ක හදිස්සියෙ ලියපු එකක් නිසා ටිකක්  (ටිකක් නෙවෙයි ගොඩක්) අඩුපාඩු ඇති හොඳේ!


Sunday, July 24, 2016

Delete කලා ට Delete වුණා කියලා Sure ද?

වින්ඩෝස් මෙහෙයුම් පද්ධතිය පාවිච්චි කරන අය හොඳටම දන්නවා (නැත්නම් අඩු ගානෙ දැං වත් දැනගන්න ඕනි), අපි වින්ඩෝස් වල ඩිලීට් කරන දේවල් Recycle Bin එකට යනවා මිසක් ඇත්තටම මැකෙන්නෙ නෑ කියලා! ඒ නිසා Shift  යතුර ඔබාගෙන Delete බට්න් එකෙන් Delete කරන ඒවා Recycle Bin එකට යන්නෙ නෑ, වින්ඩෝස් වලින් ම මැකිලා යනවා! 

ඒත්......................!!!!
ඒත් ඒවා ඇත්තටම, ඒවා තිබුණු තැනින් මැකෙනවා ද? ඒවා තිබුණු Pen Drive එකෙන්, Hard Disk එකෙන්, Memory Stick එකෙන්  මැකිලා යනවා ද??

Apple වලින්, Android වලින් අපි ඩිලීට් කරන දේවල් සදහටම මැකෙනවා ද? 

Sunday, May 29, 2016

අපි රි"ලව්"


"ලැදි මන බන්දනා
පැහැබර් සිනා රුස්නා
කතක් හි තොස්නා
මණි අකුස් හි ලය් ගන්නා"