Wednesday, January 23, 2019

අයියා දන්නෙ නෑ නෙ ඉතිං

අපේ හිතමිතුරු සමීර් සඳරු දසනායක මලයා මෑතකදි පල කල කවියක් කියවද්දි, ඒකට හොඳ පිලිතුරු කවියක් හිතට ආවා!

මේ සඳරු මල්ලිගෙ කවිය!

පිරිමි පපුවක ගැහෙන රිද්මය,
නුඹට තාමත් නුහුරු හින්දා..
පුංචි දේටත් අඬන ඔය හිත මම,
නලවගන්නේ කොහොම මන්දා..

නුඹේ ඇස් දෙක මගෙන් එපිටට.
ඇසිල්ලක වත් නොයෙන හින්දා..
නුඹේ ලතැවුල්, ඇහේ කඳුලැල්,
නුඹට හුරතල් වැඩිද මන්දා..

-හිත(ළු)
~සඳරු


මේ මගෙ හිතට ආපු "ඒ අයියට නංගිගෙන් (නො)ලැබුණු" පිලිතුරු කවිය!

පුරුදු පපුවක ගැහුණ රිද්මය 
එදා වාගෙම මතක හින්දා
ඔබට නුපුරුදු ලෙසට පෙන්වා 
සිතින් දුක හැමදාම වින්දා

නුඹේ හදවත ඒ කතාවට 
බිඳෙන බව මට දැණුන හින්දා
නුඹට නොකියමි ඒ පුරාවත
අනේ මං වැරදියි ද මන්දා

-නංගිගෙ හිත(ළු)-
~ පි.රෙ. ~‍

ප.ලි.
අටුවා ටීකා ඨිප්පණි අවශ්‍ය වෙන එකක් නෑ මං හිතන්නෙ මේ වචන සරලයි ඕන කෙනෙක් ට තේරුම් ගන්න පුළුවන් කියලා මං හිතනවා!

ප.ප.ලි
යන එන ගමන් හදිස්සියෙ කොටාගෙන ගිහ නිසා වෙනදා වගේ හෑලි නෑ! සමාව අවසර! තරහ වෙන්න කාරි නෑ ඕං!!